Projekti Kosova Makers League synon të krijojë një ambient inovacioni dhe kreativiteti për fëmijët e shkollave fillore të cilët janë të interesuar në
fushën e shkencës dhe teknologjisë. Projekti nxit fëmijët të zhvillojnë aftësitë e tyre kognitive, duke zgjedhur probleme të ndryshme me ndihmën e
robotëve.

Fëmijëve do të ju kërkohet të ndërtojnë robotët dhe gjithashtu t’i programojnë ata, puna e të cilëve më pas do të testohet dhe gjykohet. Kryesisht
puna kryhet në grupe gjë që ndihmon në zhvillimin e punës ekipore dhe komunikimit në grup. Poashtu një ndër qëllimet tjera është që fëmijet të
mësojnë të punojnë me të tjerë pa dallim gjinie, nacionaliteti dhe moshe.

Nëpërmjet aspiratës “një robot për cdo fëmijë” synojmë të përmbushim misionin e projektit që është “inspirimi i liderëve të ardhshëm në fushën e
shkencës dhe teknologjisë”. Secili ekip do të pajiset me robotët edukativ “mBot” që mundësojnë zhvillimin e avancuar të STEM (shkencë, teknologji,
inxhinieri, matematikë) në sistemin tonë arsimor.

Gjuha programuese që përdoret gjatë aktiviteteve është ‘Scratch’. Scratch është një gjuhë programimi vizuale e krijuar kryesisht për përdorimin e
fëmijëve. Kjo gjuhë inkurajon përdorimin dhe ripërdorimin e kodeve.