Më 12 tetor, fituesit e sezonit të parë të Garës së Robotikës – Kosova Makers League, do të përfaqësojnë Kosovën në Garën Regjionale të Robotikës në Zagreb, Kroaci. Shkolla fillore “Abdullah Shabani” Mitrovicë dhe “Hogosho Dojo” Graçanicë do të përfaqësojnë Kosovën në këto gara.

BONEVET po bënë përgatitjet finale të nxënësve fitues të sezonit të parë të Kosova Makers League. Flatra dhe Edona – mentore të klasës “Scratch + mBot” në BONEVET Prishtina, po ushtrojnë bashkë me nxënësit që ata të kenë sukses në garën regjionale. Nxënësit po përforcojnë aftësitë e tyre në programim të robotëve mBot.

Sfidë, emocion dhe dashuri për teknologjinë e mësimin, e përcjellen suksesin e jashtëzakonshëm të sezonit të parë të Garës së Robotikës.

Ne urojmë nxënësit e shkollave fillore për suksesin dhe fat të mbarë në Garën Regjionale të Kroacis në Zagreb.